თუ Cadena Ser-ს დავუჯერებთ, “ვალენსიას” თავდამსხმელი რობერტო სოლდადო “ტოტენჰემში” გადასვლასთან ახლოსაა.
ესპანელი ჟურნალისტების მტკიცებით, დღეს, “ტოტენჰემის” სპორტული დირექტორი ფრანკო ბალდინი ვალენსიას აეროპორტში შენიშნეს. ადგილობრივი პრესის წარმომადგენლებს ეჭვი არ ეპარებათ, რომ მისი ვიზიტის მიზეზი რობერტო სოლდადოა. გავრცელებული ინფორმაციით, იტალიელი საფეხბურთო ფუნქციონერი, უახლოეს მომავალში, “ვალენსიას” წარმომადგენლებს, ფეხბურთელსა და მის აგენტს შეხვდება.
როგორც ცნობილია, ტოტენჰემი მზადაა “ვალენსიას” ლიდერში 25 მილიონი ფუნტი გადაიხადოს.
