დიდი ალბათობით, ახალი სეზონიდან, იტალიური “ნაპოლის” ვარსკვლავი ედინსონ კავანი მადრიდის “რეალში” ითამაშებს. Sport.es-ის ცნობით, “სამეფო კლუბს” ურუგვაელის ტრანსფერი თითქმის უკვე მოგვარებული აქვს.
“რეალი” კავანით დიდი ხანია დაინტერესებულია, მაგრამ კლუბის პრეზიდენტ ფლორენტინო პერესს გადაწყვეტილების მიღება უჭირდა. სამწვრთნელო შტაბმა პერესი კავანის აუცილებლობაში დაარწმუნა და ტრანსფერიც გადაწყდა. “რეალმა” “ნაპოლისთან” მნიშვნელოვანი საკითხები უკვე მოაგვარა.
კავანის კონტრაქტის გამოსასყიდი ღირებულება 63 მილიონი ევროა. ესპანელი ჟურნალისტების მტკიცებით, მადრიდელები ამ თანხის გადასახდელად მზად არიან.
