ბრაზილიის ნაკრების მთავარმა მწვრთნელმა ლუიშ ფელიპე სკოლარიმ ამხანაგურ მატჩში სამხრეთ აფრიკის ძლევის შემდეგ ნეიმარი შეაქო. პენტაკამპეონებმა 5:0 იმარჯვეს და “ბარსელონას” თავდამსხმელმა თავი ჰეთ-თრიქით გამოიჩინა.

“ნეიმარი დღითიდღე იზრდება – ციტირებს სკოლარის სიტყვებს A Bola – სასიამოვნოა, რომ ბოლო დროს აგორებული სკანდალის მიუხედავად, მშვიდად აგრძელებს მუშაობას და წინსვლას. საკლუბო დონეზე ფიზიკურადაც და ტექნიკურადაც კიდევ მოუმატებს. ნაკრებში კი საქმე სხვაგვარადაა. აქ მუშაობის განსხვავებული სტილია”.