ზაფხულის სატრანსფერო სეზონში, ინგლისური “მანჩესტერ სიტი” დონეცკის “შახტარის” ნახევარმცველით – ფერნანდინიოთი გაძლიერდება. ამის შესახებ Sky Sports-ი იუწყება.
აღნიშნული წყაროს ინფორმაციით, “ქალაქელებს” სამხრეთამერიკელთან პირადი კონტრაქტის დეტალები უკვე შეთანხმებული აქვთ. “სიტის” ფერნანდინიოს ტრანსფერი 34 მილიონი გირვანქა სტერლინგი დაუჯდება. უახლოეს პერიოდში, ინგლისელები ბრაზილიელის ტრანსფერს ოფიციალურად დაადასტურებენ.
თავად ფერნანდინიო “სიტიში” გადასვლაზე რამდენიმე კვირის წინათაც საუბრობდა. მას მიაჩნია, რომ თუკი ინგლისში ითამაშებს, მსოფლიოს 2014 წლის ჩემპიონატზე ბრაზილიის ეროვნულ ნაკრებში მოხვედრის გაცილებით დიდი შანსი ექნება.
