მადრიდის “ატლეტიკოს” მთავარმა მწვრთნელმა დიეგო სიმეონემ ერთ-ერთ ესპანურ გამოცემასთან ინტერვიუში გუნდის მეკარე ტიბო კურტუაზე ისაუბრა. არგენტინელი სპეციალისტი ბელგიელი გოლკიპერის თამაშით კმაყოფილია და მისი შენარჩუნება სურს. შეგახსენებთ, კურტუა ლონდონის “ჩელსის” ფეხბურთელია და “ატლეტიკოში” იჯარით თამაშობს.
“ტიბო კურტუა უმაღლესი დონის მეკარეა და მას ვერანაირი თანხის სანაცვლოდ ვერ შეველეოდი. იმედია ჩვენს თანამშრომლობას საფრთხე არ დაემუქრება. ვიცი, რომ მისი შენარჩუნება არც ისე ადვილი იქნება. ბევრი რამ თავად კურტუას სურვილზეც იქნება დამოკიდებული” – განაცხადა სიმეონემ.
