სათამაშო პრაქტიკით უკმაყოფილო დორტმუნდის “ბორუსიას” თავდამსხმელმა იულიან შიბერმა გერმანელ ჟურნალისტებს კლუბიდან წასვლის სურვილი გაუმხილა. 25 წლის გერმანელმა ფეხბურთელმა მიმდინარე სეზონში ბუნდესლიგაში მხოლოდ 6 მატჩი ჩაატარა.
“დროა გადაწყვეტილება მივიღო – ციტირებს შიბერის სიტყვებს გოალ.ცომ – უკვე მოსაწყენია საკუთარი თავის მოტყუება. “ბორუსიაში” გატარებულ პერიოდში დიდი სიამოვნება მივიღე, მაგრამ სპორტული თვალსაზრისით იმედგაცრუებული ვარ. მინდორზე გასვლა და ფეხბურთის თამაში მინდა”.
