„სევილიას“ „პიტბული“ დაეხმარა

„სევილიასა“ და ლა კორუნიის „დეპორტივოს“ მატჩში 3 ქულა ანდალუსიელებს დარჩათ. ამ დაპირისპირების მთავარი მოვლენები პირველ ტაიმში წარიმართა – „რამონ სანჩეს პისხუანზე“ შეკრებილმა გულშემატკივრებმა 4 გოლი იხილეს და გამარჯვებულის ვინაობაც საწყის 45 წუთშივე შეიტყვეს.

უნაი ემერის გაწვრთნილები მატჩის დებიუტშივე დაწინაურდნენ – კოკეს ჩაწოდების შემდეგ, ივან რაკიტიჩმა თავისთვის უჩვეულოდ, თავური დარტყმით დააწინაურა მასპინძლები. რამდენიმე წუთში, „ჩილელმა პიტბულმა“ – გარი მედელმა სევილიელთა უპირატესობა ორ ბურთამდე გაზარდა.

ანგარიშში სხვაობა 32–ე წუთზე შემცირდა, მაგრამ ამაში ლა კორუნიელებს წვლილი ნაკლებად მიუძღვით – შეცდომა სევილიელმა ჟოფრეი კონდოგბიამ დაუშვა, რომელმაც ბურთი საკუთარ კარში ჩაჭრა.

ტაიმის დასრულებადმე 5 წუთით ადრე, მედელი ალბერტო მორენოს ჩაწოდებულ ბურთს მეტოქის საჯარიმოში დაუხვდა და როგორც შემდეგ გაირკვა, საბოლოო ანგარიში – 3:1 დააფიქსირა.

სევილია. „რამონ სანჩეს პისხუანი“.

სევილია – დეპორტივო 3:1 (3:1)

სევილია: ბეტუ, კოკე (ბოტია 46), ფასიო, სპაჰიჩი, მორენო, მედელი, კონდოგბია (სტევანოვიჩი 79), ნავასი, რაკიტიჩი, რეიესი (მანუ 71), ნეგრედო.

მწვრთნელი: უნაი ემერი

დეპორტივო: არანსუბია, სილვიუ, კაშტრუ, კაკა, ევალდუ, ასუნსაუ (ოლივეირა 66), ალექსი (ვალერონი 57), აგილარი, გამა, პიცი, რიკი (სალომანი 76).

მწვრთნელი: ფერნანდო ვასკესი

გოლები: 1:0 რაკიტიჩი (6), 2:0 მედელი (27), 2:1 კონდოგბია (32ს.კ), 3:1 მედელი (40)

გაფრთხილებები: კონდოგბია (36), კოკე (43), ბოტია (65), რაკიტიჩი (74), სპაჰიჩი (90) – აგილარი (14), ასუნსაო (44)

კარში დარტყმა: 16 (9) – 9 (6) ჯარიმა: 21 - 5 კუთხური: 6 - 7 თამაშგარე: 1 - 1 ბურთის ფლობა: 62% - 38% სეივი: 5 – 7

1.	ბარსელონა	23	20	2	1	78:26	62
2.	ატლეტიკო	23	16	2	5	44:23	50
3.	რეალი	23	14	4	5	58:22	46
4.	ვალენსია	23	11	6	6	36:21	39
5.	მალაგა	23	11	4	8	32:35	37
6.	რაიო	23	12	1	10	33:39	37
7.	სოსიედადი	23	10	6	7	37:29	36
8.	ბეტისი	23	11	3	9	31:34	36
9.	ლევანტე	23	10	3	10	29:35	33
10.	სევილია	24	9	5	10	33:35	32
11.	ვალიადოლიდი	23	8	6	9	32:29	30
12.	ხეტაფე	23	8	5	10	29:42	29
13.	ესპანიოლი	23	7	7	9	30:34	28
14.	გრანადა	23	7	5	11	22:32	26
15.	ბილბაო	23	7	5	11	29:46	26
16.	სარაგოსა	23	7	3	13	23:33	24
17.	ოსასუნა	23	5	7	11	19:27	22
18.	სელტა	23	5	5	13	21:28	20
19.	მალიორკა	23	4	6	13	23:43	18
20.	დეპორტივო	24	3	7	14	28:54	16