საქართველოს მოცურავეთა ეროვნული ნაკრები 10 დეკემბერს ევროპის 2013 წლის ჩემპიონატზე მიემგზავრება. მთავარ მწვრთნელ ზურაბ ხომასურიძის ხელმძღვანელობით, საქართველოს ღირსებას 4-კაციანი გუნდი დაიცავს.

ევროპის ჩემპიონატი ცურვაში დანიის ქალაქ ჰერნინგში 12-15 დეკემბერს გაიმართება.

აღსანიშნავია, როიმ ქართველი მოცურავეები ბოლო პერიოდის განმავლობაში პირველად მოსინჯავენ ძალებს ესტაფეტაზე, კერძოდ – 4X50 თავისუფალ ყაიდაზე.

საქართველოს ნაკრების წევრები შემდეგ დისტანციებზე გამოვლენ:

ირაკლი ბოლქვაძე – 100, 200 ბრასი, 200, 400 კომპლექსური ცურვა.

ირაკლი რევიშვილი – 100, 200, 400 თავისუფალი ყაიდა.

დავით სიხარულიძე – 50, 100, 200 თავისუფალი ყაიდა.

თეიმურაზ კობახიძე – 50, 100, 200 ბატერფლაი, 50, 100 თავისუფალი ყაიდა.

www.msy.gov.ge