საქართველოს საწყალოსნო ფედერაციის პრეზიდენტის დავით რურუას განცხადებით, 15 თებერვალს თბილისში დაგეგმილი საქართველოს და თურქეთის წყალბურთელთა ნაკრებების საპლეიოფო მატჩი სტარტს 19:00 საათზე აიღებს.

შეგახსენებთ, რომ საქართველოს და თურქეთს შორის ორმარჩიან დუელში გამარჯვებული 2014 წელს უნგრეთში დაგეგმილი ევროპის ჩემპიონატის ფინალში ითამაშებს, განმეორებითი შეხვედრა კი თურქეთში 1 მარტს ჩატარდება.

როგორც ცნობილი გახდა, წინა მოსამზადებელ პერიოდში საქართველოს ნაკრები 26 იანვარს ერთკვირიან შეკრებაზე ჩერნოგორიაში გაემგზავრება, სამშობლოში დაბრუნდების შემდეგ კი, 2 თებერვალს ყაზახეთის ნაკრებს უმასპინძლებს.

ყაზახები თბილისში ქართველ წყალბურთელებთან ერთობლივ ვარჯიშებს გამართავენ, საკონტროლო შეხვედრები კი 5 და 6 თებერვალს 18:30 საათზე გახლავთ დაგეგმილი.

ევროპის ჩემპიონატის ფინალური ტურნირი 2014 წლის 14-27 ივლისს უნგრეთის დედაქალაქ ბუდაპეშტში ჩატარდება, მომავალი ტურნირის საგზურები კი უკვე დაბევებული აქვთ მასპინძელ უნგრეთს და გასული ევროპის ჩემპიონატის მოწინავეებს – სერბეთს, ჩერნოგორიას, იტალიას, გერმანიას და საბერძნეთს. კიდევ 6 ფინალისტის ვინაობა პლეი-ოფების შემდეგ გაირკვევა.

2014 წლის ევროპის ჩემპიონატის პლეი-ოფი წყალბურთში. 15 თებერვალი – 1 მარტი

უკრაინა – ესპანეთი

რუმინეთი – დიდი ბრიტანეთი

სლოვაკეთი – ხორვატია

ჰოლანდია – რუსეთი

საფრანგეთი – მალტა

საქართველო – თურქეთი