მიუნხენის “ბაიერნის” აღმასრულებელი დირექტორი კარლ-ჰაინც რუმენიგე აცხადებს, რომ ჩემპიონთა ლიგის ნახევარფინალში, გერმანელებს ევროპის საუკეთესო გუნდთან თამაში მოუწევთ
შეგახსენებთ, რომ წილისყრამ “ბაიერნს” მეტოქედ კატალონიის “ბარსელონა” არგუნა.
“ჩემის აზრით, ევროპულ ფეხბურთში, სტანდარტებს “ბარსელონა” აწესებს. ბოლო წლებში, კატალონიელებმა ჩემპიონთა ლიგა სხვა გუნდებზე მეტჯერ მოიგეს. დღესდღეობით, ეს ევროპის საუკეთესო გუნდია, რომელსაც ფანტასტიკური შემტევი ფეხბურთელები ჰყავს.
“ბარსას” 2009 წელს ვეთამაშეთ და სასტიკად დავმარცხდით. ის თამაშები ძალიან კარგად მახსოვს, თუმცა მომხდარი მალე უნდა დავივიწყოთ. კარგი შანსი გვაქვს იმის დასამტკიცებლად, რომ პროგრესი განვიცადეთ.
ვფიქრობ, ორ ძალიან მაღალი დონის თამაშს ვნახავთ. პირველი მატჩი ჩვენს მოედანზე გაიმართება და ჩემის აზრით, ეს მცირე უპირატესობას გვძენს. თუმცა, ბევრი ფიქრობს, რომ ასე არაა.” – აცხადებს კარლ-ჰაინც რუმენიგე.
