მადრიდის “რეალის” ვარსკვლავმა კრიშტიანუ რონალდუმ “ოქროს ბურთის” გადაცემის ცერემონიალზე დასწრება გადაწყვიტა. ამის შესახებ Cadena Cope იუწყება.
ფიფას ერთ-ერთი წარმომადგენელი რონალდუს ტელეფონით ესაუბრა და პორტუგალიელისგან თანხმობა მიიღო. ფიფას პრეზიდენტ იოზეფ ბლატერთან არცთუ თბილი დამოკიდებულების გამო, “რეალის” შემტევი ცერემონიალზე დასწრებას არ აპირებდა, მაგრამ გადაწყვეტილება შეცვალა.
შეგახსენებთ, რომ “ოქროს ბურთის” გადაცემის ცერემონიალი იანვარში ჩატარდება.
