მადრიდის “რეალის” მთავარი მწვრთნელი კარლო ანჩელოტი აცხადებს, რომ მისი გუნდის ლიდერი კრიშტიანუ რონალდუ “ესპანიოლთან” გასამართ მატჩში მონაწილეობას მიიღებს.

“რეალი”, ლა ლიგის ბოლო ტურში, “ესპანიოლს” მასპინძლობს. მადრიდელებისთვის ამ მატჩს მნიშვნელობა არ აქვს, მაგრამ კრიშტიანუ რონალდუ, რომელსაც ბოლო დროს ტრავმა აწუხებდა, მაინც ითამაშებს. ამის მიზეზი ისაა, რომ პორტუგალიელი, ერთი გოლის გატანის შემთხვევაში, “ლივერპულელ” ლუის სუარესს გაუსწრებს და “ოქროს ბუცის” ერთპიროვნული მფლობელი გახდება.

“რონალდუ მწყობრშია. ის ითამაშებს. კრიშტიანუს არანაირი პრობლემა არ აქვს.” – აცხადებს ანჩელოტი.

იტალიელი სპეციალისტი “მილანში” მის შესაძლო დაბრუნებასთან დაკავშირებით გავრცელებულ ჭორებსაც გამოეხმაურა: “ეს ინფორმაცია მეც წავიკითხე, მაგრამ სიმართლე არაა. “მილანთან” ძალიან კარგი ურთიერთობა მაქვს, გალიანი და მე ხშირად ვსაუბრობთ ხოლმე, მაგრამ ჩვენ მხოლოდ მეგობრები ვართ. ჩემი მომავალი უკვე გარკვეულია.”