მადრიდის "რეალის" თავდამსხმელმა კრიშტიანუ რონალდუმ "ატლეტიკოსთან" 0:1 წაგებული მატჩის შემდეგ ჟურნალისტებთან კომენტარი გააკეთა.

"კარგად ვერ ვითამაშეთ და გამარჯვებაც არ გვეკუთვნოდა. "ატლეტიკომ" გოლი სწრაფად გაგვიტანა. ჩვენთვის კომფორტული თამაში არ იყო, რადგან მათი ფეხბურთელები ყველგან იყვნენ ჩასაფრებული და რთული იყო გოლის გატანა. ამ მატჩის დრამატიზირებას ნამდვილად არ მოვახდენთ", - განაცხადა პორტუგალიელმა ფეხბურთელმა და აქცენტი მომავალზე გააკეთა - "სეზონის ბოლომდე ბევრი მატჩი გვაქვს ჩასატარებელი და მოსაგები. კლუბში ბევრი რამ შეიცვალა, მოვიდნენ ახალი ფეხბურთელები, გვყავს ახალი შესანიშნავი მწვრთნელი, შესაბამისად, ტიტულების მოსაგებად ერთ მუშტად შეკვრა და ბევრი მუშაობაა საჭირო".

შეგახსენებთ, რომ მადრიდის "რეალს" სატურნირო ცხრილში 16 ქულა აქვს და ლიდერებს, "ბარსელონას" და "ატლეტიკოს" 5 ქულით ჩამორჩება.

გიორგი ბალახაძე