დორტმუნდის “ბორუსიას” ნახევარმცველმა მარკო როისმა კლუბთან კონტრაქტის განახლების თაობაზე მოლაპარაკება შეწყვიტა. Daily Express-ის მიერ გავრცელებული ინფორმაციის თანახმად, გერმანელი ფეხბურთელი მიმდინარე სეზონის დასრულების შემდეგ კარიერას ერთ-ერთ ინგლისურ კლუბში გააგრძელებს.

როისით დაინტერესებულ კლუბთა შორის ბრიტანული გამოცემები ყველაზე ხშირად “მანჩესტერ იუნაიტედს”, “ლივერპულსა” და “არსენალს” ასახელებენ. პრეტენდენტთა შორის ერთხანს ყველაზე რეალურად მიუნხენის “ბაიერნის” ვარიანტი განიხილებოდა. ბავარიული კლუბი როგორც ჩანს, კვლავ დაინტერესებულია, მაგრამ გუნდის გენერალური დირექტორის კარლ-ჰაინც რუმენიგეს მიერ გაკეთებული განცხადების შემდეგ, ტრანსფერის ალბათობა საგრძნობლად შემცირდა. ლეგენდარულმა ფეხბურთელმა ჟურნალისტებს უთხრა, რომ 2015 წლის ზაფხულში მარკო როისის ფასი 20 მილიონ ევრომდე დაიწევს.

ვასილ მშვილდაძე