“დორტმუნდის” ვარსკვლავმა მარკო როისმა განაცხადა, რომ უახლოეს სატრანსფერო სეზონში, კლუბის შეცვლას არ გეგმავს. გერმანელმა გარემარბმა “კიკერთან” საუბარში აღნიშნა, რომ მომდევნო სეზონს კვლავ იურგენ კლოპის გუნდში დაიწყებს.

“შემიძლია დაზუსტებით გითხრათ, რომ მომდევნო სეზონს “დორტმუნდში” გავატარებ. ამას იმიტომ ვამბობ, რომ ყოველ წამს არ მკითხოთ, ბედნიერი ვარ თუ არა ამ კლუბში. “დორტმუნდის” ბავშვთა გუნდებში 10 წელი გავატარე, რის შემდეგაც “ალენსა” და “გლადბახში” თამაში მომიწია. ეს უკუსვლა იყო, მაგრამ შემდეგ წინ 2 ნაბიჯი გადავდგი და დღეს ისევ “დორტმუნდში” ვარ, რომელთან კონტრაქტიც 2017 წლამდე მაკავშირებს”, - განაცხადა გერმანელმა.

შეგახსენებთ, რომ როისის შეძენა “მანჩესტერ იუნაიტედსა” და ლონდონის “არსენალს” სურთ.