მსოფლიოს 2014 წლის ჩემპიონატის ერთ-ერთი უმთავრესი აღმოჩენა ხამეს როდრიგესი აცხადებს, რომ ის “მონაკოდან” მადრიდის “რეალში” დაუფიქრებლად გადავიდოდა.

“ახლა, მსოფლიოს ჩემპიონატის შემდეგ, მცირე შვებულება მაქვს. მიმაჩნია, რომ კოლუმბიისთვის ტურნირი წარმატებული იყო, მე კი, ტრანსფერებზე დაფიქრების საშუალება მომეცა.

“მონაკოში” თავს კარგად ვგრძნობ, მაგრამ “რეალში” დაუფიქრებლად, დახუჭული თვალებით გადავიდოდი.” – აცხადებს ხამეს როდრიგესი, რომელმაც მსოფლიოს ჩემპიონატზე ჩატარებულ 5 მატჩში 6 გოლი გაიტანა და 2 შედეგიანი გადაცემა გააკეთა.