2000 წლიდან მოყოლებული როჯერ ფედერერს არცერთი სადიდსლემო ტურნირი არ გამოუტოვებია. მას შემდეგ, რაც დიდი სლემის შეჯიბრებათა 17-გზის ჩემპიონი ტყუპი ბიჭების მშობელი გახდა, დაისვა კითხვა როჯერის საფრანგეთის ღია პირველობაზე გამოსვლის თაობაზე.

პარიზის ბულონის ტყის კორტებზე ფედერერის ასპარეზობის თემას ლეგენდარული შვეიცარიელის აგენტი ტონი გოდსიკი გამოეხმაურა: “როჯერი საფრანგეთის ღია პირველობაზე აუცილებლად ითამაშებს. თუ სად გამოვა ფედერერი პარიზამდე, ამას უახლოეს დღეებში გადავწყვეტთ”.

“როლან გაროსის” მორიგი გათამაშება სტარტს 25 მაისს აიღებს.