“ბაიერნის” ჰოლანდიელი შემტევი არიენ რობენი მანჩესტერში დაფიქსირებული შედეგით (1:1) კმაყოფილია და იმედს გამოთქვამს, რომ მიუნხენელები დაწყებულ საქმეს ბოლომდე “ალიანც არენაზე” მიიყვანენ.

“ოლდ ტრაფორდზე” “მანჩესტერის” წინააღმდეგ ვთამაშობდით, რომელიც ძალიან კარგი გუნდია.

ჯერ კიდევ თამაშის დაწყებამდე ვამბობდი, რომ არ მომწონს სიტუაცია, როდესაც ჩვენგან ყველა მოგებას ითხოვს და შედეგი სახეზეა. ეს ჩემპიონთა ლიგაა და და არა რომელიმე რიგითი თამაში.

რაც შეეხება ბასტიან შვაინშტაიგერისა და ხავი მარტინესის დისკვალიფიკაციას – დანაკარგი ყოველთვის უსიამოვნოა, მაგრამ მეორეს მხრივ, შემდეგ თამაშში დანტე გვიბრუნდება.

მნიშვნელოვანია, რომ 1:1 ვითამაშეთ და არა 0:0. მეტოქის მოედანზე გოლის გატანა მინიმალურ უპირატესობას გვაძლევს. შევეცდებით ჩვენი საუკეთესო ფეხბურთი კიდევ ერთხელ ვაჩვენოთ და იმედს ვიქონიებთ, რომ ეს საკმარისი იქნება.” – აცხადებს არიენ რობენი თამაშის შემდეგ.