მიუნხენის “ბაიერნის” ფრანგი ვარსკვლავი ფრანკ რიბერი “მანჩესტერ სიტის” წინააღმდეგ ვერ ითამაშებს.
31 წლის შემტევს, მიმდინარე სეზონის სტარტზე, მუხლის ტრავმა აწუხებდა. რიბერი ახლახანს გამოჯანმრთელდა და ბუნდესლიგის გასულ ტურში გოლიც გაიტანა, მაგრამ თამაშის შემდეგ მან ტკივილი ისევ იგრძნო.
“ბაიერნის” მთავარი მწვრთნელის, პეპ გვარდიოლას თქმით, რიბერი “მანჩესტერ სიტისთან” სათამაშოდ მზად არაა.
