ბოლო დროს მიუნხენის “ბაიერნის” ფეხბურთელებს კონცენტრაციას უწუნებენ და ეს ღიადაც განაცხადა კლუბის სპორტულმა დირექტორმა, მათიას ზამერმა. გუნდის ერთ-ერთმა ლიდერმა, ფრანკ რიბერიმ კი დასძინა, რომ ისინიც ადამიანები არიან და არა მანქანები, ამიტომ გარკვეული ჩავარდნები მათაც შეიძლება დაემართოთ: “დიახ, ამ სეზონში ძალიან ადრე გავიმარჯვეთ ჩემპიონატში და შესაძლოა, ეს კონცენტრაციაზეც აისახა. მაგრამ ნუ დაგვავიწყდება, რომ ჩვენც ადამიანები ვართ და არა მანქანები, ხანდახან ვიღლებით კიდეც. გვესმის, რომ “ბაიერნი” ყოველ მატჩში უნდა იმარჯვებდეს, მაგრამ ასეთი რამ ფეხბურთში შეუძლებელია,” – უთხრა რიბერიმ goal.com-ს.
