მართალია, მადრიდის “რეალის” ყოფილი ნახევარმცველი კაკა “მილანში” თავისუფალი აგენტის სტატუსით დაბრუნდა, მაგრამ დიდია ალბათობა იმისა, რომ ესპანელებმა ფინანსური მოგება მაინც ნახონ. La Gazzetta dello Sport-ის ცნობით, ეს დამოკიდებულია იმაზე, თუ რამდენად წარმატებული სეზონი ექნება “როსონერის”.

“სამეფო კლუბის” პრეზიდენტის – ფლორენტინო პერესის თქმით, თუკი “მილანი” უეფას ჩემპიონთა ლიგის საგზურს მოიპოვებს, “რეალი” 3 მილიონ ევროს მიიღებს.

შეგახსენებთ, რომ 2009 წელს, “რეალმა” კაკა “მილანისგან” 65 მილიონ ევროდ შეიძინა.