“მონაკოს” იტალიელი დამრიგებელი კლაუდიო რანიერი აცხადებს, რომ მისი გუნდი საფრანგეთის ჩემპიონობისთვის ჯერ არ იბრძვის და აქედან გამომდინარე, “პარი სენ ჟერმენთან” გასამართ დაპირისპირებას განსაკუთრებული მნიშვნელობა არ აქვს.

“ჩვენთვის, პსჟ-სთან დაპირისპირება ამხანაგური თამაშია. რა თქმა უნდა, მოგებას შევეცდებით, მაგრამ რეალური მდგომარეობაც უნდა გავითვალისწინოთ. პსჟ-ს შემადგენლობა უკვე დაკომპლექტებულ აქვს, ჩვენ კი ეს პროცესი ჯერ არ დაგვისრულებია.

თუ წავაგებთ, პარიზელებს 8 ქულით ჩამოვრჩებით, მაგრამ ამას მნიშვნელობა არ აქვს, რადგან ჩემპიონობისთვის არ ვიბრძვით.” – ციტირებს რანიერის სიტყვებს L’Equipe.

ლიგა ერთის 24-ე ტურში, “მონაკო” “პარი სენ ჟერმენს” ხვალ უმასპინძლებს.