მადრიდის “რეალის” მცველის სერხიო რამოსის აზრით, მესუთ იოზილს და კაკას სასტარტო შემადგენლობაში ადგილის დამკვიდრება ძალიან გაუჭირდებათ. ამის მიზეზად ფეხბურთელმა ერთ-ერთ ესპანურ სპორტულ გამოცემას “სამეფო კლუბში” არსებული ძლიერი შიდა კონკურენცია დაასახელა.
“ძალიან კარგია, რომ შემადგენლობა რამდენიმე მეტად საინტერესო ახალგაზრდა მოთამაშით გაძლიერდა. მათ თვალებში ცეცხლს ვხედავ. არათუ განაცხადში მოხვედრაზე, არამედ უკვე ტიტულებზე ფიქრობენ. დაგვემატა ისკო, რომელიც დარწმუნებული ვარ, აუცილებლად გაგვაძლიერებს. მესუთ იოზილს და კაკას კი სასტარტო შემადგენლობაში ფეხის მოკიდება ძალიან გაუჭირდებათ” – განაცხადა სერხიო რამოსმა.
