“ლოს ანჟელეს კლიპერსის” გამთამაშებელი კრის პოლი მომავალი სეზონისთვის, შესაძლოა, ზაზა ფაჩულიას “ატლანტა ჰოუქსში” აღმოჩნდეს. აღნიშნულის შესახებ ინფორმაციას ESPN-ის მიმომხილველი კრის ბრუსარი ავრცელებს.

პოლი თავისუფალი აგენტის სტატუსს ივლისში მიიღებს, სხვა კლუბში გადასვლა კი იმის გამო უნდა, რომ კალიფორნიაში არცთუ სახარბიელო სიტუაციაში აღმოჩნდა. შეგახსენებთ, რომ “კლიპერსიდან” მთავარი მწვრთნელის ვინი დელ ნეგროს გაშვებისას, აღნიშნული ქმედების ერთ-ერთ მოთავედ სწორედ პოლი დასახელდა, არადა, თავად აღიშნულ ფაქტთან ყოველგვარ კავშირს უარყოფდა. ცნობისთვის, კრისი “კლიპერსის” ღირსებას 2011 წლიდან იცავდა.

აქვე ვთქვათ, რომ პოლის გარდა, ატლანტელთა ინტერესის სფეროში გახლავთ მოქცეული ნბა-ს კიდევ ერთი “ვარსკვლავი” დუაიტ ჰოვარდი, რომეელიც ივლისში ასევე თავისუფალი აგენტი ხდება. პოლს და ჰოვარდს არაერთხელ განუცხადებიათ, რომ ერთ გუნდში სიამოვნებით ითამაშებდნენ.