ზაფხულის სატრანსფერო სეზონში, ტურინის “იუვენტუსის” ახალგაზრდა ნახევარმცველი პაულ პოგბა კლუბს არ შეიცვლის. ამის შესახებ ფრანგის აგენტმა მინო რაიოლამ განუცხადა Tuttosport-ს.
“რამდენიმე დღის წინათ, “იუვენტუსის” ოფისს მართლაც ვესტუმრე, მაგრამ პოგბაზე სიტყვაც არ მითქვამს. პაულმა “იუვენტუსში” შესაფერისი მწვრთნელი და გუნდი იპოვა. ჩემს შვილსაც კი დავპირდი, რომ პოგბა “იუვეში” დარჩება. ვიმეორებ: ჩემი კლიენტი ტურინში ბედნიერია და პრობლემები არ აქვს”, - განაცხადა რაიოლამ.
შეგახსენებთ, რომ პოგბა “იუვენტუსში” გასული წლის ზაფხულში, “მანჩესტერ იუნაიტედიდან” გადავიდა.
