დღეს დილით მადრიდის “რეალის” მთელმა გუნდმა ივარჯიშა და მის რიგებში  პორტუგალიელი ცენტრალური მცველიც გამოჩნდა. პეპემ გუნდთან ერთად ივარჯიშა. ამ ინფორმაციას პორტალი as.com ავრცელებს.

ფეხის კუნთის ტრავმის გამო, პეპემ “ვილიარეალთან” გუშინ გამართულ მატჩში ვერ   ითამაშა. ბოლოს ის “რეალის” შემადგენლობაში 16 სექტემბერს ჩემპიონთა ლიგის მატჩში “ბაზელთან” გამოჩნდა. მას შემდეგ პორტუგალიელმა პრიმერადივიზიონის სამი მატჩი გამოტოვა.

პეპე მადრიდის “რეალში” 2007 წლიდან თამაშობს და მისი მაისურით ჩატარებულ 172 მატჩში 8 გოლი გაიტანა. პეპეს პორტუგალიის ნაკრებში 61 მატჩი აქვს გამართული და 3 გოლი გატანილი.

ლაშა ქოიავა