ლეგენდარულმა ბრაზილიელმა ფეხბურთელმა პელემ, რომელიც ამჟამად რუსეთში იმყოფება, მსოფლიო ფეხბურთის ისტორიაში მისი აზრით საუკეთესო ხუთეული დაასახელა.
კრასნოდარში გამართულ პრესკონფერენციაზე პელეს საუკეთესო სამეულის ჩამოთვლა სთხოვეს, მაგრამ მან ერთბაშად ხუთი მოთამაშე ახსენა.
“შემიძლია უფრო მეტიც დავასახელო. იოჰან კრუიფი, ბობი მური, ფრანც ბეკენბაუერი, დიეგო მარადონა და ზინედინ ზიდანი” – განაცხადა 73 წლის მსოფლიოს სამგზის ჩემპიონმა.
რაც შეეხება მის რუსეთში ჩასვლას, საქმე ისაა, რომ პელე მთელ მსოფლიოში მოგზაურობს და ბრაზილიაში გასამართ მუნდიალს რეკლამას უწევს.
