მსოფლიოს სამგზის ჩემპიონის, ლეგენდარული პელეს განცხადებით, პირველად ხდება, რომ ბრაზილიის ფეხბურთელთა ნაკრებს დაცვა თავდასხმაზე ძლიერი ჰყავს.
“პირველად ისტორიაში ბრაზილიას ჰყავს ნაკრები, რომლის დაცვაც თავდასხმაზე უფრო ძლიერია. მსოფლიო ჩემპიონატზე ყოველთვის მრისხანე ფორვარდებით მივემგზავრებოდით და პირველად ხდება, რომ შემტევი ხაზის ფორმირებასთან დაკავშირებით პრობლემები გვაქვს. სწორედ ამიტომ ჩვენთვის ნეიმარი ძალიან მნიშვნელოვანია. ის გუნდში მნიშვნელოვან როლს ითამაშებს, მაგრამ ამავე დროს სერიოზული პასუხისმგებლობა დააწვება, რადგან თავის პირველ მუნდიალს ჩაატარებს” – აღნიშნა პელემ.
