ჯერ კიდევ ლივერპულელი ლუის სუარესის ტრანსფერთან დაკავშირებული მითქმა-მოთქმა დასასრულს უახლოვდება. კატალონიის “ბარსელონას” ოფიციალური საიტის ცნობით, 27 წლის ურუგვაელი მომდევნო სეზონიდან “კამპ ნოუზე” იასპარეზებს.

გარიგების ფინანსური დეტალები არ კონკრეტდება, მაგრამ ცნობილია, რომ სამხრეთამერიკელი კატალონიელებთან 5-წლიან კონტრაქტს მომდევნო კვირაში გააფორმებს, რის შემდეგაც გულშემატკივრებისა და ჟურნალისტების წინაშე “კამპ ნოუზე” წარსდგება.

შეგახსენებთ, რომ კატალონიელებმა თავდამსხმელი ალექსის სანჩესი ლონდონის “არსენალში” გაასხვისეს. სავარაუდოდ, სუარესი “ბარსელონაში” 9-ნომრიანი მაისურით იასპარეზებს.