“მანჩესტერ სიტის” ესპანელმა თავდამსხმელმა, ალვარო ნეგრედომ განაცხადა, რომ “ბარსელონასთან” მატჩის დროს, კატალონიელთა მცველი, ხერარდ პიკე მის ყვითელი ბარათისგან დაცვას ცდილობდა.

“სიტისა” და “ბარსელონას” შორის გამართული შეხვედრის 28-ე წუთზე, პიკეს წინააღმდეგ უხეშად თამაშის გამო, ნეგრედომ ყვითელი ბარათი მიიღო. კადრშიც გამოჩნდა, რომ “ბარსას” უკანახაზელი არბიტრს სთხოვდა “სიტის” ფეხბურთელისთვის ყვითელი ბარათი არ ეჩვენებინა. დღეს, მომხდარზე მცირე კომენტარი თავად ნეგრედომ გააკეთა.

“მსაჯი ჩემს გაფრთხილებას აპირებდა და პიკემ სთხოვა, რომ მას ჩემთვის ყვითელი ბარათი არ ეჩვენებინა. ამის გამო პიკეს მადლობელი ვარ.” – ციტირებს ნეგრედოს სიტყვებს Onda Cero.