პორტუგალიის ეროვნული ნაკრების ნახევარმცველის, ლუიშ ნანის აზრით, “მანჩესტერ იუნაიტედიდან” წასვლა, მის კარიერაში უკან გადადგმული ნაბიჯი არაა. 

ნანიმ 2013 წლის სექტემბერში, “იუნაიტედთან” ახალი კონტრაქტი გააფორმა, თუმცა ახალი მწვრთნელის, ლუის ვან გაალის მოსვლის შემდგომ, მისი მდგომარეობა შეიცვალა. ჰოლანდიელი სპეციალისტის გეგმებში პორტუგალიელი ვერ მოხვდა და მარკოს როხოს ტრანსფერს შეეწირა.

“არ ვფიქრობ, რომ “მანჩესტერიდან” წასვლა უკან გადადგმული ნაბიჯია. სხვა ვარიანტებიც მქონდა, მაგრამ გადავწყვიტე მშობლიურ კლუბში მეთამაშა. ეს ჩემი არჩევანია”. – განუცხადა 27 წლის ნახევარმცველმა ჟურნალისტებს.

შეგახსენებთ, რომ ნანი “სპორტინგში” ერთწლიანი იჯარით დაბრუნდა.

ირაკლი ალიმბარაშვილი