“მანჩესტერ იუნაიტედის” პორტუგალიელმა ნახევარმცველმა ლუიშ ნანიმ ჯერ არ იცის, მანჩესტერში დარჩება თუ კარიერას სხვა კლუბში გააგრძელებს. 26 წლის ფეხბურთელმა ამ საკითხთან დაკავშირებით კომენტარი ერთ-ერთ პორტუგალიულ გამოცემასან გააკეთა.

“პრესაში უკვე ბევრჯერ დაიწერა ჩემი შესაძლო ტრანსფერების შესახებ, მაგრამ გარწმუნებთ, ამ თემაზე სალაპარაკო ჯერ აბსოლუტურად არაფერია. გადაწყვეტილებას სავარაუდოდ უახლოეს დღეებში მივიღებ”, – განაცხადა ნანიმ.

შეგახსენებთ, პორტუგალიელი ნახევარმცველი ბოლო სეზონში “მანჩესტერ იუნაიტედის” რიგებში მხოლოდ 11-ჯერ გამოჩნდა (აქედან 7-ჯერ ძირითად შემადგენლობაში) და თავი 1 გოლით და 2 საგოლე გადაცემით გამოიჩინა.