ლონდონის “ჩელსის” მთავარი მწვრთნელი ჟოზე მოურინიო ფერნანდო ტორესის გუნდში დატოვების სურვილს გამოთქვამს, მაგრამ ესპანელის გაშვებასაც არ გამორიცხავს.
“ტორესთან არ მისაუბრია. მხოლოდ იმის თქმა შემიძლია, რომ “ჩელსის” 3 თავდამსხმელი ჭირდება და ფერნანდო ერთ-ერთი მათგანია.
ტორესი როგორც ფეხბურთელი და როგორც ადამიანი მომწონს. მას ჩემთვის არ უთქვამს, რომ წასვლა უნდა. ასე რომ, ამ ეტაპზე, ის ჩვენი ფეხბურთელია.
თუ ტორესს წასვლა უნდა, ის ახალი ცხოვრებით, ახალი კლუბითა და შესაძლოა ახალი ლიგითაა დაინტერესებული.
თუ ტორესი გაშვების თხოვნით მოგვმართავს, ყველაფერს გავაანალიზებთ და გადაწყვეტილებას ფეხბურთელის ინტერესების გათვალისწინებით მივიღებთ.” – ციტირებს მოურინიოს სიტყვებს “ჩელსის” ოფიციალური ვებგვერდი.
იტალიური პრესის ცნობით, ტორესის შეძენის სურვილს “მილანი” გამოთქვამს, რომელიც “ლივერპულში” წასული მარიო ბალოტელის შემცვლელს ეძებს. “როსონერი” ესპანელს 3-წლიან კონტრაქტს და შემცირებულ ხელფასს სთავაზობს.
