ზაფხულის სატრანსფერო სეზონში, “მანჩესტერ იუნაიტედს” 8 ახალწვეული ეყოლება. Daily Mail-ის ცნობით, “წითელი ეშმაკების” თავკაც დევიდ მოიესს უკვე აქვს იმ ფეხბურთელების სია, რომლებიც მის გუნდს გააძლიერებენ.

რამდენადაც ცნობილია, მოიესს მიუნხენის “ბაიერნის” შუახაზელი ტონი კროოსი და ლისაბონის “სპორტინგის” ნახევარმცველი ვილიამ კარვალიუ სურს.

დიდი ალბათობით, ზაფხულში, “მანჩესტერს” რიო ფერდინანდი, ანდერსონი, პატრის ევრა, რობინ ვან პერსი, შინჯი კაგავა, ნანი და ხავიერ ერნანდესი დაემშვიდობებიან. გარდა ამისა, უკვე გადაწყვეტილია, რომ ნემანია ვიდიჩი კარიერას მილანის “ინტერში” განაგრძობს.