დღეს გავრცელებული ინფორმაცია, რომლის თანახმადაც მიკაელ ესიენი “მილანში” გადადის, სიმართლე გამოდგა. იტალიურმა კლუბმა და განელმა ნახევარმცველმა ტრანსფერი უკვე დაადასტურეს.
“მილანის” ოფიციალური ვებგვერდის ცნობით, 31 წლის ფეხბურთელი იტალიაში უახლოეს მომავალში ჩავა, სამედიცინო შემოწმებას გაივლის და კონტრაქტს ხელს მოაწერს.
გავრცელებული ინფორმაციით, “ჩელსიმ” ესიენს თავისუფალი აგენტის სტატუსი მიანიჭა. ფეხბურთელი, “მილანში” თამაშის სანაცვლოდ, ხელფასის შემცირებას დასთანხმდა. ივარაუდება, რომ ესიენი “როსონერისთან” 2015 წლამდე მოქმედ კონტრაქტს გააფორმებს.
მას შემდეგ, რაც ესიენის “მილანში” გადასვლის საკითხი გადაწყდა, ფეხბურთელმა განაცხადა, რომ ეს ნაბიჯი კლარენს ზეედორფის ფაქტორის გათვალისწინებით გადადგა.
