“ოლდ ტრეფორდზე” “მანჩესტერ იუნაიტედთან” წაგებული ჩემპიონთა ლიგის საპასუხო მერვედფინალური მატჩის (0:3) შემდეგ, “ოლიმპიაკოსოს” მწვრთნელი მიჩელი დარდიანი ჩანდა, თუმცა მოწინააღმდეგეს საკადრისი პატივი მიაგო: “უამრავი შეცდომა დავუშვით საკუთარ და მეტოქის მოედანზეც, საგოლე შანსები ვერ გამოვიყენეთ, ამ დონის მატჩში კი ასეთებს არავინ გაპატიებს, - უთხრა შემდეგ მიჩელმა უეფას ოფიციალურ გვერდს, - ბევრს ველოდით, მაგრამ გაწბილებულნი ვართ, თუმცა ჩვენს წინააღმდეგ შესანიშნავი გუნდი თამაშობდა, დე ხეა ხომ საერთოდ ფანტასტიკური იყო. მგონი, ჩვენი მარცხის მთავარი მიზეზი სწორედ “მანჩესტერის” მეკარე გახლდათ.”