კატალონიის “ბარსელონას” თავდამსხმელმა ლიონელ მესიმ მადრიდის “ატლეტიკოსთან” მატჩში (1:1) მოედანი იძულებით დატოვა. როგორც ირკვევა, არგენტინელს მარჯვენა ბარძაყის პრობლემა კვლავ აქვს.
“მესი იმის გამო შეიცვალა, რომ ბარძაყზე დისკომფორტი იგრძნო”, - ნათქვამია კატალონიელთა “ტვიტერის” ოფიციალურ განცხადებაში.
უახლოეს პერიოდში, არგენტინელი დეტალურ სამედიცინო გამოკვლევას გაივლის და ტრავმის სირთულეც ცნობილი გახდება. ბარსელონელები შიშობენ, რომ შესაძლოა მესის ის ტრავმა გაურთულდეს, რომელიც გასული სეზონის დასკვნით ნაწილში აწუხებდა.
