ფრანგულმა გრანდმა პსჟ-მ ლონდონის “ჩელსის” თავდამსხმელ ხუან მატასთან შეთანხმებას მიაღწია.

Le10sport-ის ინფორმაციით, 25 წლის ფეხბურთელი ზამთრის სატრანსფერო პერიოდში პარიზულ კლუბს შეუერთდება.

ჯერჯერობით უცნობია “ჩელსის” მთავარ მწვრთნელ ჟოზე მოურინიოს პოზიცია და წყარო არ გამორიცხავს, რომ ამ უკანასკნელმა უკვე მიღწეული შეთანხმება ჩაშალოს. აღსანიშნავია, რომ მატას შეძენა მადრიდის “ატლეტიკოსა” და ტურინის “იუვენტუსსაც” სურთ.

ესპანელი “ჩელსიში” 2011 წელს “ვალენსიადან” გადავიდა. პრემიერლიგის მიმდინარე სეზონში მან მხოლოდ 7 მატჩში მიიღო მონაწილეობა და ერთი შედეგიანი გადაცემა გააკეთა.