ფრანგულმა “მარსელმა” “ალ ჯაზირას” აწ უკვე ყოფილი ნახევარმცველი აბდელ აზიზ ბარადა დაიმატა. აღნიშნული ინფორმაცია, არაბული კლუბის ოფიციალურმა ვებგვერდმა დაადასტურა.

25 წლის მოროკოელმა “მარსელთან” ოთხწლიანი კონტრაქტი გააფორმა. ტრანსფერი კი, 4,5 მილიონი ევრო დაჯდა.

ბარადა “ალ ჯაზირაში” გასულ წელს გადავიდა ესპანური “ხეტაფედან” და ერთი სეზონის განმავლობაში არაბული კლუბის რიგებში გამართულ 22 შეხვედრაში 10 გოლის გატანა მოახერხა.

ირაკლი ალიმბარაშვილი