“მსოფლიო სპორტი” უკვე წერდა, რომ ხორვატიის ეროვნული ნაკრების თავდამსხმელი, მარიო მანჯუკიჩი კარიერას მადრიდის “ატლეტიკოში” გააგრძელებს. სულ ცოტა ხნის წინ კი AS-მა მანჯუკიჩის ფოტო გამოაქვეყნა, რომელიც დღეს დილით, მადრიდშია გადაღებული.

AS-ის ცნობით, მარიომ უკვე გაიარა სამედიცინო შემოწმების პირველი ნაწილი და რამდენიმე საათში ხუთწლიან კონტრაქტზეც მოაწერს ხელს. 28 წლის ფორვარდის სანაცვლოდ, “ატლეტიკომ” მიუნხენის “ბაიერნს” 22 მილიონი ევრო გადაუხადა.

გასულ სეზონში მანჯუკიჩმა “ბუნდესლიგაში” 20 გოლის გატანა მოახერხა, მაგრამ პეპ გვარდიოლას თავი ვერაფრით მოაწონა.

ლევან გოგოტიშვილი