მოკრივეთა მსოფლიოს ჩემპიონატზე, რომელსაც ყაზახეთის ქალაქი ალმატი მასპინძლობს, მორიგი ქართველი მოკრივე ჩაება. 56 კგ. წონით კატეგორიაში ავთანდილ ჭუბაბრია იტალიელ იაჰინ პარინელოს დაუპირისპირდა და მარცხი განიცადა.

18 ოქტომბერს ლევან გულედანი (91 კგ.), რომელსაც 1 ბრძოლა უკვე მოგებული აქვს, იტალიელ კლემენტე რუსოს გაეჯიბრება, 19-ში კი მსოფლიოს ჩემპიონატში ჯაბა ხოსიტაშვილი (75 კგ.) და მიხეილ ბახტიძე (+91 კგ.) ჩაებმებიან. ხოსიტაშვილი ეგვიპტელ ჰოსამ აბდინს დაუპირისპირდება, ხოლო ბახტიძე ბელარუს იან სუძილოვსკისთან მოსინჯავს ძალებს.