ინგლისურ “მანჩესტერ იუნაიტედს” პორტუგალიელი ვარსკვლავის – კრიშტიანუ რონალდუს დაბრუნება სურს. Daily Star-ის ცნობით, “წითელი ეშმაკები” მადრიდის “რეალს” თავდამსხმელის სანაცვლოდ 65 მილიონ გირვანქა სტერლინგს შესთავაზებენ.

“გლეიზერებთან ბრწყინვალე ურთიერთობა მაქვს. ყოველთვის, როცა მათ რამეს ვთხოვ, უყოყმანოდ მისრულებენ. თუკი რომელიმე ფეხბურთელის შეძენაზე ჩამოვაგდებ სიტყვას, დაუფიქრებლად იყიდიან. შესაძლოა, ზაფხულში ერთი ტოპ-კლასის ფეხბურთელი დავიმატოთ”, - განაცხადა მანჩესტერელთა თავკაცმა ალექს ფერგიუსონმა.

შეგახსენებთ, რომ “რეალმა” რონალდუ “მანჩესტერისგან” 2009 წელს, 94 მილიონ ევროდ შეიძინა.