“მანჩესტერ იუნაიტედს” მილანის “ინტერის” ნახევარმცველის – ფრედი გუარინის გადაბირება სერიოზულად აქვს გადაწყვეტილი. ბრიტანული პრესის ცნობით, “წითელმა ეშმაკებმა” კოლუმბიელის ხელში ჩასაგდებად ახალი გეგმა შეიმუშავეს.
როგორც ირკვევა, ტრანსფერის პირველი წარუმატებელი მცდელობის შემდეგ, “მანჩესტერი” “ინტერს” გუარინის სანაცვლოდ ხავიერ ერნანდესს შესთავაზებს. ინგლისელები სამხრეთამერიკელი შუახაზელის გადაბირებას კიდევ უფრო ჩქარობენ, რადგან ნახევარმცველმა მაიკლ კერიკმა ტრავმა მიიღო და ფეხბურთს 3-4 კვირით დაემშვიდობა.
ჯერჯერობით, “ინტერის” პოზიცია, უცნობია. მილანელთა თავკაცი ვალტერ მაცარი უახლოეს პერიოდში გადაწყვეტს, უღირს თუ არა გუარინის დათმობა ჩიჩარიტოს სანაცვლოდ.
