ამსტერდამის “აიაქსში” იჯარით მოთამაშე ბოიან კრკიჩმა მომავალი სეზონიდან კარიერა, შესაძლოა, “ლივერპულში” განაგრძოს. მერსისაიდული კლუბის სამწვრთნელო შტაბი მიიჩნევს, რომ ამ ფეხბურთელს შეუძლია მათი გუნდის შემტევი პოტენციალის გაძლიერება.
კრკიჩი ჰოლანდიურ კლუბში “ბარსელონას” ჰყავს განათხოვრებული და როგორც ესპანური პრესა იტყობინება, ინგლისელები კატალონიელებს ფორვარდის ტრანსფერის სანაცვლოდ 6 მილიონ ევროს სთავაზობენ.
“ვნახოთ როგორ განვითარდება მოვლენები. მიმდინარე სეზონის დასრულებამდე საკმაო დროა. მანამდე კი არ მსურს გადაწყვეტილების მიღება “ – აცხადებს ბოიან კრკიჩი.
