ჩინური “გუანჯოუს” მთავარი მწვრთნელი მარჩელო ლიპი კლუბთან ახალი კონტრაქტის გაფორმებას არ აპირებს. იტალიელი სპეციალისტი მზადაა, ხელშეკრულების დასრულების შემდეგ, ჩინეთის ეროვნულ ნაკრებში მუშაობის შესაძლებლობა განიხილოს.
ამის შესახებ ინფორმაციას Sky Sport Italia თავად მარჩელო ლიპის სიტყვებზე დაყრდნობით ავრცელებს.
“გუანჯოუსთან კონტრაქტი კიდევ ერთი წლით მაკავშირებს. მის გახანგრძლივებაზე არ ვფიქრობ. თუმცა, ეს იმას არ ნიშნავს, რომ უსაქმოდ დარჩენას ვაპირებ. შესაძლოა, ჩინეთის ნაკრებს ჩავუდგე სათავეში. რატომაც არა?” – აცხადებს ლიპი.
