“იუვენტუსის” ბასკი თავდამსხმელი ფერნანდო ლიორენტე დარწმუნებულია, რომ ტურინული კლუბი სერია A-ს მორიგ ტურში, “მილანის” ძლევას შეძლებს და ოქროს მედლისთვის ბრძოლაში კიდევ ერთ ნაბიჯს გადადგამს.
“ჩვენ არავისი გვეშინია და მიუხედავად იმისა, რომ სტუმრად ვთამაშობთ, თან მილანში, ამოცანა სამი ქულის მოპოვებაა. წინ უმნიშვნელოვანესი შეხვედრა გველის, რომელიც ალბათ ერთ-ერთი საკვანძოცაა საჩემპიონო მარათონში. ზეედორფის ხელში “მილანმა” თამაშის ხარისხი აშკარად გააუმჯობესა, მაგრამ “სან-სიროზე” აუცილებლად მოსაგებად ვიბრძოლებთ” – განაცხადა ფერნანდო ლიორენტემ.
