“სუონსი სიტის” მთავარმა მწვრთნელმა მიქაელ ლაუდრუპმა ჟურნალისტებს უთხრა, რომ საკადრო პრობლემების გამო ზამთრის სატრანსფერო სეზონზე რამდენიმე ფეხბურთელის დამატებას გეგმავს.
“ძირითადი შემადგენლობის ორი ფეხბურთელი ისე დაშავდა, მინიმუმ ექვსი კვირა ვერ დაგვეხმარებიან. ტრავმებმა ძალიან ცუდ დღეში ჩაგვაგდო. ამჟამად გუნდში მხოლოდ 19 მოთამაშე ვარჯიშობს და ამ უიღბლობას მთელი ნახევარი სეზონია, ბოლო არ უჩანს. გაძლიერება აუცილებლად გვჭირდება და ზამთარში სავარაუდოდ რამდენიმე ტრანსფერს განვახორციელებთ” – განაცხადა ლაუდრუპმა.
