ლგენდარული ჰოლანდიელი ფეხბურთელი და მწვრთნელი იოჰან კრუიფი კატალონიის “ბარსელონას” მიერ ბრაზილიელი ვარსკვლავის, ნეიმარის შეძენას კვლავ სკეპტიკურად უყურებს.
“არასდროს მითქვამს, რომ ნეიმარი ცუდი ფეხბურთელია. საკითხავია, როგორ მოერგება ის ახალ გუნდს.
ნეიმარი და მესი შემტევი ფეხბურთელები არიან, ეს ნიშნავს, რომ მოედანზე ერთით ნაკლები მუშა მოთამაშე იქნება. ამან, შესაძლოა, პრობლემა შექმნას. “ბარსელონას” აქვს თამაშის თავისი სტილი, რომელიც ფლანგზე მოთამაშე შემტევი ფეხბურთელების თავდაუზოგავ მუშაობას ითვალისწინებს. პედროსა და კრისტიან ტელიოსგან განსხვავებით, ნეიმარი მუშა ცხენი არაა.” – აცხადებს კრუიფი, რომელმაც “ბარსელონაში” ჯერ ფეხბურთელობის, ხოლო შემდეგ მწვრთნელობის დროს გაიბრწყინა.
