“იუვენტუსის” ყოფილი ფეხბურთელი და ტურინული კლუბის დირექტორთა საბჭოს წევრი პაველ ნედვედი ანტონიო კონტეს მომავალზე საუბრობს და აცხადებს, რომ “ბებერი სინიორას” მთავარი მწვრთნელის ბედი მიმდინარე სეზონის ბოლოს გაირკვევა.

“ვფიქრობ, ამჟამად, კონტესა და კლუბს შორის ჰარმონიული ურთიერთობაა.

ახალ სეზონს უმწვრთნელოდ დარჩენის შიშით ვერ შევხვდებით. ამჟამად, გუნდის სპორტულ მიღწევებზე ვართ კონცენტირებულნი, ხოლო სეზონის ბოლოს დავსხდებით და ყველა საკითხს მოვაგვარებთ. ასეთი მდგომარეობა ნორმალურია.” – ციტირებს ნედვედის სიტყვებს Sky Sports-ი.

გავრცელებული ინფორმაციით, ანტონიო კონტე, რომელსაც “იუვენტუსთან” კონტრაქტი 2015 წლამდე აკავშირებს, ძალების უცხოეთში მოსინჯვის სურვილს გამოთქვამს.