“სტოკის” პრეზიდენტ პიტერ კოატესის აზრით, ასმირ ბეგოვიჩი პრემიერლიგაში ერთ-ერთი საუკეთესო მეკარეა. ”სენთინელისთვის’’ მიცემულ ინტერვიუში კოატესმა ხოტბა შეასხა “სტოკის” გოლკიპერს და ბოსნიელის შესაძლო ტრანსფერზეც ისაუბრა.

,,ვფიქრობ, ბეგოვიჩი პრემიერლიგაში ერთ-ერთი საუკეთესო მეკარეა, ინგლისურ კლუბებში მასზე ძლიერი მეკარე არ მეგულება. თუ დაგვიკავშირდებიან მაღალი დონის ევროპული კლუბები, შემოთავაზებებს აუცილებლად განვიხილავ’’, - განაცხადა კოატესმა.

“სენთინელის’’ ცნობით ბეგოვიჩი “ჩელსის”, “არსენალის”, მადრიდის “ატლეტიკოსა” და “ნაპოლის” თვალთახედვის არეშია.

,,რაც შეეხება მის სავარაუდო შემცვლელს, ამ ეტაპზე ბოსნიელის რეალური შემცვლელი უცნობია, თუმცა, ამ თემაზე მუშაობა დაწყებულია’’, - დაასრულა “სტოკის” თავმჯდომარემ.

შეგახსენებთ, ასმირ ბეგოვიჩი ,,ბრიტანია სტედიუმზე’’ 2010 წელს გადმობარგდა ,,პორტსმუთიდან’’ და “სტოკის” რიგებში ასზე მეტი შეხვედრის ჩატარება მოასწრო.

დიმიტრი შარიქაძე